Se piove a Santa Bibiana, piove par quaranta dì e 'na setimana.
Marzo el se fà vanti, el merlo el fà noze coi so canti.
Co' i ladri se fa la guera, segno ch'i xe d'acordo.
A vìvare co la testa sol saco xe bon ogni macaco.
L'ultimo abito ch'i ne fà l'è senza scarsèle.
Le done xe sante in cèsa, angeli in strada, diavoli in casa, zoéte sol balcon, gaze so la porta.
Quando la merda varà calcossa, i poariti nassarà senza buso del culo.
Dura depì i loamari che i pajari.
Quando el Venda fa el pan, se no piove oncuò piove doman.
De Jenaro ogni galina fa el gnaro.
La strigheta mete le feste in sacheta.
San Vidale, marcante de piova. (28/4)
Co'l cavéjo tra al bianchin, assa la dona e tiente el vin.
La boca la xe picola, ma la xe bona de magnare canpi e velada.
Tre fémene? Una viva, una morta, una inpiturìa de drio la porta.
Viva el caro parente, ma guai se no'l ga assà gnente.
Aqua de Agosto, miele e mosto.
Fin che i barufanti tira la vaca, uno pa' i corni e staltro par la coa, l'avocato monze.
Par el seco xe bona anca la tenpesta.
Par ben lustrare ghe vole ojo de gunbio.
Quando che manca i cavai i mussi trota.
Co' se xe morti, San Michele pesa le àneme e i preti i candeloti.
La roba donà fà male ala panza.
La piègora xe benedeta dal culo e maledeta dala boca.
Pitosto che roba vanza, crepa panza.
I mona se conosse da do robe: dal parlare, quando che i dovaria tasere; dal tasere, quando che i dovaria parlare che i dovaria parlare.
Se piove da la Madona, la xe oncora bona.
Ala Madona de Agosto rinfresca el bosco. (15/8).
Le scarpe de on vilan no le farà mai na bela peca.
Sola boca dela zente se ghe riva fassilmente.
Soto la neve, pan; soto l'aqua, paltan.
A 'sto mondo ghe xe chi che la ghe piase cota e chi che la ghe piase crua.
La boca la se liga solo ai sachi.
Sant'Antonio del paneto el vien col segheto. (13/6)
Chi porta la roba da festa ogni dì, o'l xe novizo o no'l ghe n'a pì.
Majo ortolan, tanta paja e poco gran.
Pasqua vegna quando se voia, la vien co la frasca e co la foia.